இந்தியா

எதிர்வரும் சட்டமன்ற தேர்தலில் பாஜகவுக்கு 20 சீட்டுகளை அதிமுக ஒதுக்கியுள்ளது. அந்த 20 தொகுதிகளிலும் போட்டியிடவுள்ள வேட்பாளர்களை பாஜக தலைமை இன்று அறிவித்தது. அதன்படி பாஜக தேசிய மகளிர் அணி தலைவர் தமிழகத்தை சேர்ந்த வானதி சீனிவாசன் கோவை தெற்கு தொகுதியில் கமல்ஹாசனை எதிர்த்து போட்டியிடவுள்ளார். ஏற்கெனவே மக்களவை தேர்தலில் கோவையை பாஜகவுக்கு ஒதுக்கி மண்ணைக் கவ்வியது. எனவே இந்த தேர்தலில் பாஜக அங்கு வெற்றிப்பெருமா என்ற சந்தேகம் எழுந்துள்ளது. இந்நிலையில் வானதி சீனிவாசனிடம் கோயம்புத்தூரை சேர்ந்த இளைஞர் ஒருவர் வலிமை அப்டேட் எப்ப? என ட்விட்டரில் கேள்வி எழுப்பியிருந்தார். இதற்கு ட்விட்டரில் பதிலளித்துள்ள வானதி சீனிவாசன், “நான் வெற்றி பெற்ற உடன் நிச்சயமாக வலிமை பட அப்டேட் கிடைக்கும் தம்பி. #Vanathi4KovaiSouth #Valimai #ValimaiUpdate” எனக் குறிப்பிட்டுள்ளார்.