இந்தியா

பிரபல தெலுங்கு நடிகர் சிரஞ்சீவியின் தம்பி மகளான நிஹாரிகா கொனிடெலா விஜய் சேதுபதியின் ஒரு நல்ல நாள் பார்த்து சொல்றேன் படம் மூலம் தமிழ் திரையுலகில் அறிமுகமானார். இதையடுத்து அசோக் செல்வன் ஜோடியாக நடிக்க ஒப்பந்தமானார். ஆனால் கொரோனா வைரஸ் பிரச்சனையால் படப்பிடிப்பை துவங்க தாமதம் ஏற்பட்டது. இதற்கிடையே நிஹாரிகாவுக்கும், குண்டூர் ஐஜியின் மகன் சைதன்யாவுக்கும் திருமணம் நடந்தது. இதையடுத்து அவர் அசோக் செல்வன் படத்தில் இருந்து விலகினார்.                                                                                                                                                                                                                இந்நிலையில் நிஹாரிகா மாஸ்டர் படத்தை தியேட்டரில் பார்த்துள்ளார். படம் பார்த்த அவர் சமூக வலைதளத்தில் கூறியிருப்பதாவது,                                                                                                                                                                                                                                                                                             கிட்டத்தட்ட ஓராண்டு கழித்து நான் தியேட்டரில் பார்த்த முதல் தமிழ் படம் மாஸ்டர். படம் ஒரு விருந்து. தளபதி விஜய் சார் நடிப்பு அருமை. எனக்கு மிகவும் பிடித்த விஜய் சேதுபதி சார் எப்பொழுதும் போன்று சூப்பர்.



லோகேஷ் சார், எனக்கு கைதி படம் பிடித்திருந்தது. மாஸ்டர் ஒரு ஆல் ரவுண்டர். வசனங்கள், திரைக்கதை பிடித்திருந்தது. மாஸ்டர் பிளாஸ்டர் அனிருத் ரவிசந்திரன். கிழிச்சிட்டான். சதிஷ், அந்த பீட்டிங் சீன் என தெரிவித்துள்ளார்.    நிஹாரிகாவின் ட்வீட்டை பார்த்த விஜய் ரசிகர்கள் அவருக்கு நன்றி தெரிவித்துள்ளனர். படத்தை லேட்டாக பார்த்தாலும் லேட்டஸ்டாக விமர்சித்துள்ளீர்கள், நன்றி என விஜய் ரசிகர்கள் கூறியுள்ளனர்.