உலகம்

தேசிய காப்பீடு திட்டம் 1.25 சதவீதம் உயர்த்தப்பட்டுள்ளதோடு அது நவம்பர் 6ஆம் திகதி முதல் மாற்றியமைக்கப்படும் என அறிவிக்கப்பட்டுள்ளது.

மேலும் சுகாதாரம் மற்றும் சமூகப் பாதுகாப்புக்கு நிதியளிப்பதற்காக அரசாங்கம் திட்டமிட்ட வரியைக் குறைக்கும்.

இந்த உயர்வு ஏப்ரல் மாதம் முன்னாள் திறைசேரியின் தலைவர் ரிஷி சுனக்கின் கீழ் அறிமுகப்படுத்தப்பட்டது ஆனால் கன்சர்வேட்டிவ் தலைமைப் பந்தயத்தின் போது லிஸ் ட்ரஸ் அதை மாற்றுவதாக உறுதியளித்தார்.

சுகாதாரம் மற்றும் சமூகப் பாதுகாப்புக்கான நிதி இப்போது பொது வரிவிதிப்பிலிருந்து வரும்.

திறைசேரியின் தலைவர் குவாசி குவார்டெங் இன்று  'மினி பட்ஜெட்'க்கு முன்னதாக இந்த அறிவிப்பை வெளியிட்டார்.

இந்த மாற்றம் கிட்டத்தட்ட 28 மில்லியன் மக்களை ஆண்டுக்கு சராசரியாக 330 பவுண்டுகள் சேமிக்கும் என்று திறைசேரி கூறியது.

பெரும்பாலான ஊழியர்கள் நவம்பர் மாத ஊதியத்தில் தங்களது வரிக் குறைப்பைப் பெறுவார்கள் சிலர் டிசம்பர் அல்லது ஜனவரியில் தங்கள் நிறுவனத்தின் ஊதிய மென்பொருளின் சிக்கலான தன்மையைப் பொறுத்து பெறுவார்கள்.

சுமார் 920000 நிறுவனங்கள் கிட்டத்தட்ட 10000 பவுண்டுகள் வரிக் குறைப்பைப் பெறும் என திறைசேரி தெரிவித்துள்ளது.

தேசிய காப்பீடு என்பது பணியாளர்கள் முதலாளிகள் மற்றும் சுயதொழில் செய்பவர்கள் செலுத்தும் வரி ஆகும்.

ஊழியர்கள் தங்கள் ஊதியத்தில் தேசிய காப்பீடு மற்றும் வருமான வரி செலுத்துகிறார்கள், முதலாளிகள் ஊழியர்களுக்கு கூடுதல் பங்களிப்புகளை செலுத்துகிறார்கள், மற்றும் சுயதொழில் செய்பவர்கள் தங்கள் இலாபத்தில் தேசிய காப்பீட்டை செலுத்துகிறார்கள்.

கொரோனா வைரஸ் தொற்றுநோயிலிருந்து தேசிய சுகாதார சேவை மீண்டு வருவதற்கு தேசிய காப்பீட்டு உயர்வு ஏற்படுத்தப்பட்டது. மேலும் ஏப்ரல் முதல் தேசிய சுகாதார சேவையை ஆதரிக்கும் வகையில் திட்டமிடப்பட்ட சமூக பராமரிப்பு வரியும் வடிவமைக்கப்பட்டுள்ளது.

சமூக பராமரிப்பு மற்றும் கொவிட் சமயத்தில் கட்டமைக்கப்பட்ட தேசிய சுகாதார சேவை பின்னடைவைக் கையாள்வதற்காக இந்த வரியானது ஆண்டுக்கு சுமார் 13 பில்லியன் பவுண்டுகள் திரட்டும் என எதிர்பார்க்கப்பட்டது.