உலகம்

அடுத்த கன்சர்வேடிவ் தலைவர் மற்றும் பிரதமர் பதவிக்கான போட்டியில் நுழைவதற்கு தேவையான 100 நாடாளுமன்ற உறுப்பினர்களின் ஆதரவை முன்னாள் போட்டியாளர் மற்றும் திறைசேரியின் தலைவர் ரிஷி சுனக் நெருங்கியுள்ளதாக கூறப்படுகின்றது.

ரிஷி சுனக்கிற்கு 93 நாடாளுமன்ற உறுப்பினர்கள் ஆதரவு வழங்கியுள்ளதாக தெரிவிக்கப்பட்டுள்ளது. இருப்பினும் அவர் ஏற்கனவே 100ஐ எட்டியதாக ஒரு பிரச்சார வட்டாரம் கூறியது.

ஆனால் முன்னாள் பிரதமர் பொரிஸ் ஜோன்சன் 44 ஆதரவாளர்களுடன் இரண்டாவது இடத்தில் உள்ளார். லிஸ் ட்ரஸ்ஸுக்குப் பின் தொடரும் போட்டியில் நுழையத் தயாராகி, விடுமுறைக்கு டொமினிகன் குடியரசு சென்றிருந்த அவர் இன்று நாடு திரும்புகின்றார்.

இதுவரை 21 ஆதரவாளர்களை எண்ணி பென்னி மோர்டான்ட் அறிவித்தார்.

ஜோன்சனை ஆதரிக்கும் வர்த்தக அமைச்சர் சர் ஜேம்ஸ் டட்ரிட்ஜ், அவர் வீட்டிற்கு வருகிறார் அதற்காக தயாராக இருக்கிறார் என கூறினார்.

சுனக் அல்லது ஜோன்சன் இருவரும் தங்கள் பிரச்சாரங்களை அதிகாரப்பூர்வமாக தொடங்கவில்லை ஆனால் இது ஆதரவாளர்கள் தங்கள் ஆதரவை அறிவிப்பதை நிறுத்தவில்லை.