உலக விளையாட்டு

ஒன்பதாவது கரீபியன் பிரீமியர் லீக் ரி-20 தொடரின் சம்பியன் கிண்ணத்துக்கான இறுதிப் போட்டியில் ஜமைக்கா தலாவாஸ் அணி வெற்றிபெற்றுஇ மூன்றாவது முறையாக சம்பியன் கிண்ணத்தை வென்றது.

கயானா மைதானத்தில் நேற்று இடம்பெற்ற போட்டியில் ஜமைக்கா தலாவாஸ் அணியும் பார்படோஸ் றோயல்ஸ் அணியும் மோதின.

இப்போட்டியில் நாணய சுழற்சியில் வெற்றிபெற்ற பார்படோஸ் றோயல்ஸ் அணி முதலில் துடுப்பெடுத்தாட தீர்மானித்தது.

இதன்படி முதலில் துடுப்பெடுத்தாடிய பார்படோஸ் றோயல்ஸ் அணி நிர்ணயிக்கப்பட்ட 20 ஓவர்கள் நிறைவில் 7 விக்கெட்டுகள் இழப்புக்கு 161 ஓட்டங்களை பெற்றுக்கொண்டது.

இதில் அணியின் அதிகப்பட்ச ஓட்டங்களாக அசாம்கான் 51 ஓட்டங்களையும் கோர்ன்வோல் 36 ஓட்டங்களையும் பெற்றுக்கொண்டனர்.

ஜமைக்கா தலாவாஸ் அணியின் பந்துவீச்சில், நிக்கோலஸ் கோர்டோன் மற்றும் பெபியன் அலென் ஆகியோர் தலா 3 விக்கெட்டுகளையும் இமாட் வசிம் 1 விக்கெட்டினையும் வீழ்த்தினர்.

இதனைத்தொடர்ந்து 162 என்ற வெற்றி இலக்கை நோக்கி பதிலுக்கு களமிறங்கிய ஜமைக்கா தலாவாஸ் அணிஇ 16.1 ஓவர்கள் நிறைவில் 2 விக்கெட்டுகள் இழப்புக்கு வெற்றி இலக்கை கடந்தது. இதனால் அந்த அணி 8 விக்கெட்டுகள் வித்தியாசத்தில் வெற்றிபெற்று சம்பியன் கிண்ணத்தை வென்றது.

இதற்கு முன்னதாக ஜமைக்கா தலாவாஸ் அணி 2013ஆம் மற்றும் 2016 ஆம் ஆண்டுகளில் சம்பியன் பட்டங்களை வெற்றிருந்தமை குறிப்பிடத்தக்கது.

இதன்போது அணியின் அதிகப்பட்ச ஓட்டங்களாக, பிரெண்டன் கிங் ஆட்டமிழக்காது 83 ஓட்டங்களையும் புரூக்ஸ் 47 ஓட்டங்களையும் பெற்றுக்கொண்டனர்.

பார்படோஸ் றோயல்ஸ் அணியின் பந்துவீச்சில், கெய்ல் மேயர்ஸ் மற்றும் ஜேஸன் ஹோல்டர் ஆகியோர் தலா 1 விக்கெட்டினை வீழ்த்தினர்.

இப்போட்டியின் ஆட்டநாயகனாக பெபியன் அலெனும் தொடரின் நாயகனாக பிரெண்டன் கிங்கும் தெரிவுசெய்யப்பட்டனர்.